MOUVMAN POU DEFANN DWA AK ENTERÈ PÈP AYISYEN

EKIP 100% AYITI se yon inisyativ yon gwoup manm fondatè MODDEPA pran pou yo chèche 100 ayisyen -fanm tankou gason – ki ap viv ann Ayiti ak peyi  tankou: Etazini, Kanada, Frans, Sendomeng, Brezil, Chili, Ajantin, Baramas, Lagiyán, Kiba… Moun sa yo  MODDEPA ap chèche a se fanm ak gason ki renmen Ayiti san kondisyon.; se moun ki  vle bay konesans yo, tan yo, enèji yo, resous yo, lajan  pou nou konstwi yon mouvman  politik sa a  ki pran angajman pou l fè Ayiti tounen yon paradi pou tout pitit li yo, kèlke swa kote y ap viv sou late..

Chak moun ki antre nan EKIP 100% AYITI dwe aji tankou manman ak papa MOUVMAN  POU DEFANN DWA AK ENTERÈL  PÈP AYISYEN (MODDEPA). Sa vle di tout manm ki nan EKIP 100% AYITI ap travay men nan men pou nou mete baz yon mouvman politik ki gen yon lidèchip kolektif nan tèt li. Sa vle di se tout moun nan EKIP 100% AYITI  a  ki gen responsablite pou fè tout preparasyon ki nesesè pou bay pèp aysisyen sa y ap tann lan depi lontan: yon pati politik ki pran angajman pou defann enterè tout moun nan peyi, espesyalman mas popilè yo k ap viv nan katye devavorize yo ansanm  mas peyizan yo  k ap viv nan  seksyon kominal yo.

Pou yon moun antre nan EKIP 100% AYITI a, fòk li

1.       se yon moun ki gen orjin ayisyen, epi ki gen plis pase 18 an (kèlkeswa nan peyi l ap viv la)

2.       renmen ayiti san kondisyon

3.       aksepte pou l bay tan li, konesans li ak resous li genyen pou  MODDEPA kapab fonksyone

4.   pran agajman pou l trete  MODDEPA tankou  afè pa li.

5.       kwè nan travay an gwoup tankou òkès Tropicana

6.       aprann pou l ka konen vizyon, misyon ak objetif MODDEPA pou Ayiti

7.   pran angajman pou l fè disip

8.       konprann tout sa n ap fè nan lavi a se politik

9.   asepte moun ki gen panse diferan

10.   patisipe nan fòmasyon sivik ak politik

Gen 5 gwoup nou ta renmen ki majoritè nan EKIP 100% AYITI a:

·       Medam yo

·       Lidè kominotè yo

·   Jèn yo (kèlksewa nivo etid yo)

·       Teknokrat  ak pwofesyonèl yo

·       Antreprenè yo

Nou konnen ou gen anpil kesyon sou MODDEPA. N ap reponn kèk nan yo. Men si pa jwenn repons ou bezwen. Ou ka ekri yo nan fòm nou mete sou  paj  AKÈY la oubyen  paj Mouvman  MODDEPA a.  Apre sa, w ap jwenn repons lan  menm jou a oubyen nan demen.